DAXUYANIYA PDK-BAKUR YA DI DERBARÊ ERDHEJA LI KURDISTANÊ

14.11.2017

Erdheja ku li şeva 12yê Mijdarê li başûrê Kurdistanê rû da, bandorek mezin a wêrankar li cîwarên başûr û rojhilatê Kurdistanê kir. Diyar bû ku di gel xisara madî, mixabin bi sedan kuştî û herweha bi hezaran birîndarên me hene. Bila sere gelê me sax be.

Ji bilî vê, li bajar û navçêyên rojhelat û başûrê Kurdistanê, bi sedhezaran welatîyên ma niha nikarin li malên xwe bimînin û pêwistê alîkariya sitarê û xwarinê ne.

Ev bobelata siruştî di serdemek wisa de rû da ku Kurdistan ji aliyê siyasî ve jî di rojên giran re derbas dibe. Ji ber vê yekê, ev erdhej divê wekî helkeftek bête dîtin da ku kurd nîşanê hemî cîhanê bidin ku ew çawa wekî netewek tevdigerin û li xuşk û birayên xwe xwedî derdikevin.

Lewra, em bang li hemî gelê Kurdistanê û her Kurdistanîyek li seranserê cîhanê dikin ku bi rêka saziyên wek Dezgeha Xêrxwaziya Barzanî bila alîkariya xwe bigihînin xuşk û birayên xwe yên li deverên bandorbar.

PDK-BAKUR