DIJMINATIYA KURDAN ÎDEOLOJIYA FERMÎ A DEWLETA TIRK E

21.05.2021

Wek tê zanîn, berî du roja li ser rêya Mersîn û Antalayayê malbateke kurd ji başûrê Kurdistanê ji ber ku kurd in rastî êrîşa nîjadperestên tirk hatin. Êrîşkarên tirk dijî netewa kurd qiseyên nexweş û neşirîn derbirîn û nefreta xwe beramberî Kurdan qêriyan û karê kuştina zilamê malbatê kirin, û endamê 12 salî yê wê malbatê birîndar kirin.

Piştî ku êrîş kete rojeva medyaya kurd, waliyê Mêrsînê yê dewlata dagirker daxwiyaniyekê bi raya giştî re parve kir û têde got ku ew bûyer bes ji ber aloziyeke trafîkê derketiye. Lê di eynî wextî de serokê baroyek yê kurd û çend parêzerên din ku çûbûn ji bo parêzeriya malbata navborî bikin, li nexweşxanê rastî êrîşa polîsên tirk hatin û polîsan berdewam arîşe derxistin, û têkiliya malbata kurd û parêzerên wan ji aliye dozger ve hat astengkirin.

Ev helwesta dezgehên mêtîngeriyê bi xwe îddîaya wn a “êrîşeke etnîkî û nîjadperestî nîne” derewçîn derdixe. Êrîşa ku malbata Kurd ya başûrê Kurdistanê rast hatî ne bûyereke normal û ji rêzê ye. Gelê kurd li Tirkiyê rojane tûşî êrîşên nîjadperestî dibe û taloke ya êrîşan roj bi roj zêde dibe. Ji bo nîjadperestên tirk ferq nîne ku kurdek ji kîjan parçeyî ye, ji bo wan hemî yek in.

Nefretkirina ji kurdan yek ji pêkhateyên herî bingehîn a îdeolojiya fermî ya dewleta tirkan e. Armanca mezin a îdeolojiya dewleta tirk jî qirkirina netewa Kurd e. Em dibînin ev siyaseta dijî kurdan ji aliyê piraniya gelê tirk ve hatiye pejirandin, û ev nîjadperestiya tirkan li hemî qadên jiyanê xwe li ser me kurdan ferz dike.

Partiya me PDK-Bakur, paşêroja gel û netewa me di nav sîstema dewleta dagirker de nabîne û dabînkirina derfet a pêkve jiyanê bi gelê tirk re qebûl nake. Tekane rê û çareserî li bakûrê Kurdistanê avakirina dewleteke serbixwe ye. Partiya me bi vê boneyê banga xwe ya ji bo gelê kurd ya xwerêxistinkirinê û siyaseta netewî dûbare dike.

PDK-BAKUR