JI BO RAYA GIŞTÎ

10.10.2019

Dewleta Turkiyeyê ya kolonyalîst bi binpêkirina huqûqê navneteweyî û hêjayîyên exlaqî, di gel hin grûbên terorîst ve, li Başûrrojavayê welatê me dest bi dagirkirineke bêperwa kir.

Armanca Dewleta Turkiyeyê ya kolonyalist ne jinavbirina terorîzmê ye, armanc; berlêgirtina desthilatdariya Kurdan ya li ser axa xwe û astengkirina azadiya wan e. Ev yek ji aliyê desthilatdarê Tirkan û herkesî ve dihêt gotin Ji xwe bêyî ku êrîşek li hember wê bihêt kirin ev helwesta dagirkirinê ya Dewleta Turkiyeyê ya kolonyalîst bi awayekî din nayê şîrovekirin.

Dewleta kolonyalîst ya din, Sûriye, li hemberî dagirkirina axa di bin desthilatdariya wê de bi bêdengmayinê xwe kerr dike. Ev hebûna danustandina di navbera herdu dewletên kolonyalîst de dide xuyakirinê. Ger ne wisa buya, dewleta Sûriyeyê dikaribû bi serlêdana Yekîtiya Neteweyan, rê li ber vê dagirkirinê bigirtaya. Mêr û jinên qehreman yên Başûrrojavayê Kurdistanê, wek brayên xwe yên Başûrê Kurdistanê, bi hezaran şehîd dan û tarîtiya DAIŞê hilweşandin, dunya ji vê belayê azad kirin. Belê îro bi lidijderketina raya giştî ya dunyayê, zilhêzên navneteweyî, qîma xwe bi temaşekirina vê êrîşa Tirkan ya hov dihînin. Divê dunya tev bizanibe; ji bona aşîtiya cîhanê, Dewleta Tirk, ji DAIŞê bêtir talûke ye. Bi ser vê yekê de Dewleta Tirk bi nenaskirina hêjayiyên însanî, exlaq jî diherifîne

Wek PDK-Bakur em bangî hemî dunyayê dikin; li hemberî van pîlanên Dewleta Tirk ya dagirkirinê, jibona rûreşkirina DT di raya navnetweyî de û jibona li hemberî van êrîşan parastina Gelê Rojava çareserîyan pêkbînin.

Partiya me bangî ENKSê dike; pirsên heyî deynin aliyekî, xêzeke stûr di navbera xwe û dagirkeran de bikêşin, di heman demê de bangî TEV-DEMê dike; li Başûrrojayê Kurdistanê jibona avakirina Hêza Neteweyî, li gora raya azad ya gel deshilatdariyeke hevpar derkeve holê, em dixwazin hûn gavên pêwîst biavêjin.

Bila dost û dujminên me baş bizanibin, Kurdistaniyan bi hezarên sala ne axa xwe bi cîh nehêlane û îro ji ji axa xwe dernakevin. Dagirker dê nexşeyên yên beriya xwe parvebikin û ji qada dîrokê dê bihêne pakkirin û herin.

PDK-Bakur