SEÎD ELÇÎ RÊBERÊ TEVGERA RIZGARÎXWAZ A WELATÊ ME YE

31.05.2020

Îro 49emîn salvegera şehadeta Serokê Damezrêner û Sekreterê Giştî yê partiya me PDK-BAKUR Seîd Elçî ye.

Bi vê helkeftê, em serokê xwe yê şehîd bi rêzdarî bibîr tînin.

Seîd Elçî, piştî serhildana Dêrsimê ya di sala 1938an de, ji bo dawiyê li bêdengiya Hereketa Rizgarîxwaz ya Netewa Kurdistanê bîne, li Amedê di sala 1965an de tevî çar hevalên xwe PDK-Bakur damezirand.

Dema ku Şehîd Seîd Elçî partî têde damezirand, ne demeke hêsan û asayî bû. Damezirandina partîyeke Kurd ne karê her xweşmêrî bû. Ji bo vî karî pêwîstî bi fedakariyeke bêsînor heta cangorîyê hebû. Ev taybetmendî ne kêm lê pir zêde di kesayeta Seîd Elçî de hebû.

Seîd Elçî, di doza 49’an û her wiha di doza li dijî partiya me de, li dadgehên u zindanen dijmin dagirkerî mehkûm kiriye.

Seîd Elçî li Bakurê Kurdistanê di rêkxistina mitîngên girseyî de roleke serekî dîtiye û di axaftin û gotarên xwe de banga dijayetîkirina mêtîngeriyê li gelê Kurdistanê kiriye.

Seîd Elçî mirovekî hem mûtewazî û hem jî gelekî zana bû. Mirovekî xweş sohbet bû, bêjerekî (hatîp) nimûneyî bû. Ajîtatorekî gelekî zîrek bû.

Seîd Elçî heta şehadeta xwe, bê navber û bê westan xizmeta doza Kurd û Kurdistanê kir û xwe kire qûrbana doza gelê Kurdistanê.

Em Seîd Elçî weke sembola mezlûmiyeta Kurdistanê dibînin û ewê bi vî şêweyî herdem di dilê me de bijî…

Serkeftin a milletê Kurd e..

Bijî Kurd, bijî Kurdistan…

PDK-BAKUR