EM KURD IN Û NAVÊ WELATÊ ME KURDISTAN E!

29.10.2021

Duhî li Misircê welatiyekî Kurdistanî bi navê Cemîl Taşkesen ji bo ku navê welatê xwe anî bîra yek ji serokên partiyên dagirkeran, ji aliyê hêzên dewleta Tirk ve hat binçavkirin. Cemîl Taşkesen bi tohmeta ku propagandaya rêxistina terorîst kiriye hatiye binçavkirin.

Bêgûman Cemîl Taşkesen ne terorîst e, lê kurdekî xwedî xîret û rûmet e. Herweha, hêmî Kurdistanî baş dizanin ku li welatê me bi tenê yek rêxistineka terorîst heye û navê wê jî Komara Tirkiyê ye. Komara Tirkiyê ji roja hatiye damezrandin heta îro bê navbir û rawestan şerekî dijwar li dijî gelê Kurdistanê dimeşîne û mebesta wê ji holê rakirina kurd û Kurdistanê ye. Lewra helwesta ku Kek Cemil nîşan da ji bo dagirkeran metirsiyeke pir mezin e.

Şandeyeke PDK-Bakur ji bo piştgiriya Kek Cemîl îro çûye Misircê. PDK-Bakur, alîkariya dadwerî jî di nav de, bi her awayî dê piştgiriyê bide Kek Cemîl û doza wî heta dawî bişopîne.

PDK- BAKUR